innenüüsa
Friday, April 21, 2017
  Hetzerren
es brichd en beer dir ds junga holz
es faard e jütz dir ds tobel ab
i schwarzen wassren gloossed gluod
si schimered wie milch und bluod

si lokked lached lüüred liebd
si hetzt sie zeekd zerschriissd firzennd
si wiisd ob we old wunnen wurd
und gränned still im griennen grund
 
  ghoorneta
i schwarzen chlekken griennem miesch
in graawwen grotzen tirrem rag
brieled d läärri lached ds ggol
angschd im fee – dem hirt wurd bang

galschter gälled fäkken schlään
en meitlischoos hed dar im schweis
am chriizwäg chrääjen wiiber wild

hirten rappen hieten welf
 
  herlequin
Es striichd en angschd dir ds doorf wie rouch
vor schwinden chrieg und moord und roub
es riite 'ra dir moor und ried
i schwarzem gwand es gwerr ir hand

schritta uf em tach ir nachd
am morgen liid es blag im bach
hie fääld es meitli dert e chuo
im heer siis gäge fräckmündt zuo
 

ARCHIVES
July 2006 / August 2006 / October 2006 / November 2006 / June 2007 / July 2007 / August 2007 / September 2007 / December 2007 / May 2010 / July 2010 / April 2017 /


Powered by Blogger