innenüüsa
Friday, June 29, 2007
  sunnwend
esoo firgeid der rüüsch..
und älw wird ds grien waan mier siin dinnen glägen
und uber allem liid e fiine, brüüna stöib
waan nimmd was frisch und niww ischd gsiin
 
Sunday, June 10, 2007
  gwitter
chaalta schweis
und niemma weis waa hin
chaalta schweis un miedi
nein das chund nid güod

chaalta schweis
und alls wie liebi
chaalta schweis un miedi
i welltt i chennt emzrugg

chaalta schweis
und alls waa ischd wie friejer
chaalta schweis un miedi
i weis nid was i tüon
 
  aaberoot
und wie naa'm aaberoot
d nahd ischd inha ghiid
und wie ir fiischterri
niid ischd gsiin waan angschd

da hed niemmen vun is an di teichd
wie's dier etz im iisch ergeid
numme bbääted
das es iis nid preich
 
Monday, June 04, 2007
  bliibe staan
mengischd schriisds an eim
schriisd eim furt mid aller gwaald
wien e rüücha, wilda wätterlufd
desüüs uf ds meer u wiiter no
waa ma i wälle si verliird

mengisschd schriisds an eim
schriisd eim furt mid aller gwaald
wien e chaalti, graawwi aa
emzrugg i ds tal, a d wermi
waa ma ar liebi schier erstikd

mengischd schriisds an eim
schriissd eim furt mid aller gwaald
wien en beesa, wunda stier
und'r en andri, heissi sunnen
waan ma i fremden liibren undergeid

mengischd schriissds an eim
u ma bliibd staan
mid aller godverflüochte gwaald
wil gieng ma mit
so chääm'ma nieme, nieme zrugg
 

ARCHIVES
July 2006 / August 2006 / October 2006 / November 2006 / June 2007 / July 2007 / August 2007 / September 2007 / December 2007 / May 2010 / July 2010 / April 2017 /


Powered by Blogger